ဘယ်လိုဘာသာပြန်မလဲ (The Way To Translation)အပိုင်း-၂

ကျနော်အပိုင်း ၁မှာ စာရေးဆရာကြီးများရဲ့ ဘာသာပြန်နဲ့ပါတ်သတ်တဲ့စကားတွေနည်းနာ
တွေကိုဖေါ်ပြပေးခဲ့ပါပြီ။အပိုင်း ၁ ကိုမဖတ်ရသေးရင်ဒီမှာ ဖတ်နိုင်ပါတယ်။
အပိုင်း ၂မှာလဲ ဆရာရွှေမင်းဝန်ဦးဘုန်းမြင့်ရဲ့ဆောင်းပါးကိုဖေါ်ပြလိုက်ပါတယ်။
ဖတ်ကြည့်ပါဦးဗျာ။

ကျနော်နှင့်ဘာသာပြန်အတွေ့ အကြုံ (ဆရာရွှေမင်းဝန်ဦးဘုန်းမြင့်)
ကျနော်အင်္ဂလိပ်ကနေမြန်မာဘာသာပြန်ကိုဝါသနာပါလာခဲ့သည်မှာ၁၆နှစ်သားအရွယ်လောက်ကဖြစ်သည်
မြန်မာ-အဂ်လိပ်ကိုဝါသနာပါလာသည်ကားအသက် ၃၀ ကျော်မှဖြစ်သည်။အသက် ၇၀နီးပါးရောက်လာသော
အခုအချိန်တွင်ကားနှစ်ဘာသာလုံးအလဲအလှယ်ပြန်ဆိုခြင်းကိုခုံမင်လာ၏။ဤ၂ဘာသာလောက်ကိုသာညွှန်းနိုင်သည်။
ကျန်ဘာသာများကိုတော့စိတ်ကူးထဲတွင်မထည့်ရဲပါ။

၁၀တန်း အောင်ပြီးပြီးခြင်းပုံနှိပ်တိုက်တွင်အလုပ်ဝင်စဉ်ဗိုလ်ချုပ်လမ်းရှိစာအုပ်ဟောင်းဆိုင်တစ်ဆိုင်မှမီလတန်
ဆိုသူကဗျာဆရာကြီးရေးသော Paradise Lost (နိဗ္ဗာန်ဘုံပျောက်ဆုံးခြင်း)ကဗျာစာအုပ်အဟောင်းကြီးကို ၁ကျပ်ပေး၍၀ယ်သည်။ဖ.ဆ.ပ.လ ခေတ်ငွေတန်ဖိုးရှိသည်။အဂ်လိပ်စာခက်လွန်း၍ဘာတစ်လုံးမျှအဓိပ္ပါယ်မဖေါ်
နိုင်ချေ။ပုံနှိပ်တိုက်တွင်စာအုပ်လာရိုက်သောပြင်သစ်သံရုံးမှပု၈္ဂိုလ်ကြီးတစ်ဦးကဖတ်ပြသည်။တစ်ပိုဒ်ချင်းဘာသာ
ပြန်ပြ၏။ကောင်းလှပါသည်။မျက်စိအကြောင်သားငေးကြည့်ရုံမျှသာ…..။

Retold..အကျဉ်းရေးပြထားသော Treasure Island ရတနာ့ကျွန်း (ဆရာကြီးဒဂုံရွှေမျှားဘာသာပြန်)ကိုသ
ဘောကျပြီးမဂိုလမ်းဒေါင့်ရှိအင်္ဂလိပ်ကြီးတစ်ဦးရောင်းသောစာအုပ်ဆိုင်သို့သွားပြီး Treasure Island နာမည်
ကိုမေးလိုက်မိသည်။ကိုသူကြီးက All Finished!! ဟုပြော၏။ကျနော်ကစဉ်းစားသည်။အင်း..ဒါ..ပြီးပြီလို့ ပြော
တာ တော့  မဖြစ်နိုင်ဖူး….အလုပ်နဲ့ထမင်းစားပြီးတာတော့Finished လို့ပြောတာကြားဖူးတယ်။ခုပြောတာက
ကုန်သွားတယ်၊မရှိတော့ဖူးနဲ့တူတူပဲဖြစ်ရမယ်…ဟုကိုယ့်ဘာသာတွေးကာပြန်ခဲ့ဖူးသည်။

တန်ခိုးကြီးဘုရားကို Popular Pagoda ဟူ၍ရမ်းဘာသာပြန်သောဧည့်လမ်းညွှန်များမြန်မာနိုင်ငံတွင်ရှိနေ
ဆဲဟုသိရသည်။မီးရထားတွဲ sleeping car ကို အိပ်ပျော်နေသောကားဟူ၍ဘာသာပြန်သဖြင့်ရယ်ရသေးသည်
Call Girl ပြည့်တန်ဆာ၊မိန်းမရွှင်ကို ဖုန်းဆက်သောမိန်းကလေးဟုမထင်လိုက်ဖို့အရေးကြီးလေသည်။

တစ်ခါကဆရာမင်းသုဝဏ်သည်ရုပ်ရှင်ဇာတ်ကားများကိုဘာသာပြန်ကြည့်ဖို့ လိုကြောင်းပြောဖူးလေသည်။
ဆရာ့အယူအဆကိုသဘောကျပါ၏။

Pillow Talk! - သစ္စာတူပြိုင်
Beautiful but bad - လှလေခက်လေ
From here to Eterinity - ရေမြေဆုံးစေတော့ကွယ်
His Lady - မြတ်နိုးသူ
The second Husband - နောက်လင်
I’ll Never forget you - မမေ့နိုင်
The way ahead - မမေ့နိုင်
Married and Single - လင်နှင့်အပျို
Gentleman for a day - သူတော်ကောင်းကြက်သူခိုး
စသည်ဖြစ်ပါ၏။ဆရာကြီးရွှေဥဒေါင်း၏ဘာသာပြန်များကောင်းကြောင်းပြောစရာပင်မလိုတော့ပါ။
ရှာမှရှားပါပေသည်။ဂျမဒါကိုကိုကြီး (Brigadier Jarad)စာအုပ်တွင် With Pleasure ကို စိမ်လိုက်လေ ဟုသူ့နေရာနှင့်သူကွက်တိပြန်ပုံမှာလိုက်မမီနိုင်အောင်ကောင်းပါဘိ။ဆရာကြီးဒဂုံရွှေမျှားကိုကျနော်မေးကြည့်ဖူး
သည်။ဆရိုက်ဒါဟတ်ဂရေး People of the mist ကိုမြူခိုးဝေေ၀ဟုပြန်ရာ..ဆရာကြီးစဉ်းစားရသေးလားဟု
မေးကြည့်ရာ ဆရာကြီးက…အင်း..တိုက်ရိုက်ဘာသာပြန်ရင်တော့နှင်းထုထဲကလူတွေပေါ့…။စာအုပ်နာမည်ဆို
တော့ဗမာ့နားဝင်အောင်မြူခိုးဝေေ၀လို့ မှည့်လိုက်ရတယ်။နားမထောက်တော့ဖူးပေါ့လေ။တောင်ပေါ်နေတဲ့လူ
၇ိုင်းတွေကိုဇာတ်လမ်းဖွဲ့ ထားတာပဲလေ……။

အပိုင်း ၃ မှာထပ်တွေ့ပါမည်။အမှာစာနှင့်အချို့စာအနဲငယ်မှလွဲ၍ဆရာကြီးများ၏အာဘော်များသာဖြစ်ပါသည်
ဗဟုသုတတိုးပွားစေရန်ပြန်လည်တင်ပြခြင်းဖြစ်ပါသည်

လေးစားစွာဖြင့်
WYTU သားလေး
www.wytumyanmar.com
wytumyanmar@gmail.com