StudyWithMe: ငွေနဲ့ပြိုင်တဲ့လူ...

ကျွန်တော်ဒီအကြောင်းလေးကို ၂၀၀၉ ဇန်န၀ါရီလထုတ် သရဖူ မဂ္ဂဇင်း ထဲက ကိုအရိုး ရေး ထားတဲ့ဝတ္ထုတိုလေးကိုပြန်လည်ဖော်ပြခြင်းဖြစ်ပါတယ်။သူ့ရဲ့ idea လေးကိုကြိုက်လွန်းလို့ပါ သူငယ်ချင်းတို့လည်းခံစားကြည့်ကြပါဦး။

ဒီဝတ္တုမှာရှင်းစရာ ၃ ခုရှိတယ်ဗျ၊ ပထမတစ်ခုက “လူ” ။ ဒီထဲမှာပါမယ့်လူက အထီး၇ယ် အမရယ် မဟုတ်ဘူး၊ ဘယ်နိုင်ငံဘယ်လူမျိုး ဘယ်လိုအဆင့်အတန်းရယ်မှမဟုတ်ဘူး၊ လူ ဘဲ ကျွန်တော်တို့လိုလူဘဲ “လူ” လို့သာမှတ်၊ ဒုတိယတစ်ခုက “ငွေ” ငွေကလည်းလူလိုဘဲ၊ ရိုးရိုး ငွေကျပ်မဟုတ်ဘူးဒေါ်လာမဟုတ်ဘူး ငွေဘဲ ရိုးရိုးငွေ ၊ နောက်ဆုံးတစ်ခုက “ပတ်သက်တဲ့ကိစ္စ” လူတစ်ယောက်ဟာသူတစ်ယောက်တည်းသက်သက်နဲ့ဆိုင်တဲ့ငွေပမာဏတစ်ခုရှိကိုရှိတယ်၊ ဘာလို့လည်းဆိုတော့လူဟာတန်ဖိုးတစ်ခုရှိ ကိုရှိ တာကိုး၊ ဥပမာ ထောင်တန်တဲ့လူရှိမယ် သောင်းတန်တဲ့ လူရှိမယ် သိန်း သန်း ကုဋေကနေ ကုဋေပေါင်းများစွာတန်တဲ့လူလည်းရှိတယ်။ တစ်ပြားမှမတန်ဘဲသေသွားတဲ့လူလည်းရှိမယ်။ အဲ တစ်ကမ္ဘာလုံးပုံပေးတာတောင် တန်ဖိုးမဖြတ်နိုင်တဲ့ လူမျိုးလည်း ရှိနိုင် ရှိခဲ့ ရှိလာဦးမှာပဲ။ သေချာတာကတော့လူဟာမွေးလာပြီးသေသွားတဲ့အထိ ကြားထဲမှာသူဘယ်လောက်တန်ဖိုးရှိ သလဲဆိုတာ သူ့ဟာသူတန်ဖိုးသင့်ပြပြီးသေသွားကြတာဘဲ။ ဒါပေမဲ့ရှင်နေတဲ့ကာလအတွင်း လူဟာသူ ဘယ်လောက်တန်မလဲဆိုတာတော့ သူ့ဟာသူတိတိကျကျ မသိနိုင်ရှာဘူး။

လူတွေလည်းရှိနေပြီးပြီ ၊ ငွေဆိုတာလည်းရှိနေပြီ။ အဲ့ဒီ့အချိန်မှာလူတစ်ယောက်မွေးလာတယ်။ အဲ့ဒါဇတ်လမ်းရဲ့အစပေါ့။ မွေးလာတာနဲ့လူဟာသူနဲ့ဆိုင်တဲ့ငွေပမာဏတစ်ခုရှိလာရော။ ဥပမာ သူမွေးဖို့ ဆေးရုံစရိတ်ဆိုပါတော့။ လူဆိုတာက မွေးပြီးဒီအတိုင်းရပ်နေတာမှမဟုတ်တာ။ လူမွေးပြီတာနဲ့ တဖြည်းဖြည်းကြီးလာသလို သူနဲ့ဆိုင်တဲ့ငွေကလည်းပြိုင်တူထွားလာတာပဲ။ အဲ့ဒီ့လိုနဲ့သူ ကျောင်းစနေ လို့ရလောက်တဲ့အရွယ်ကျ သူနဲ့ဆိုင်တဲ့ငွေသူ့အတွက်ကုန်ထားတဲ့ငွေ ကသူ့ထက်တောင်တွားနေသေး တယ်။ ဒါပေမဲ့ အဲဒီ့အချိန်မှာ “လူ” က ကလေးလေး လေသူနဲ့ဆိုင်တဲ့ငွေသူမတွေ့သေးဘူး။ သူနဲ့မဆိုင်တဲ့ငွေတွေဘဲသူသိတာ။ ဥပမာ သူရပြီးပြန်ပေးလိုက်ရတဲ့ မုန့်ဖိုးလိုဟာမျိုးပေါ့။ ‘တစ်ကယ့်ငွေ’ ကိုသူမသိသေးဘူး ‘အမြင်ငွေ’ ပဲသူသိသေးတာ။အဲလို လိမ်ဖယ် လိမ်ဖယ် နဲ့ လူရောငွေရောအတူတူ အသက်ကြီးလာလိုက်တာ လူလည်း အရွယ်ရောက်ရောသူနဲ့ဆိုင်တဲ့သူ့ငွေက အရွယ်ရောက်ပြီးလို့အတော် တောင်လည်နေပြီ။ဒီနေရာမှာ အပြောင်းအလဲတစ်ခုဖြစ်တယ်။

ခြွင်းချက်တွေကို ဖယ်ထားလိုက်ရင် လူဟာအရွယ်လည်းရောက်ရော မှီခိုသူကနေအမှီခို ခံဖြစ်လာတယ်။ အရင်ကလူဟာသူနေတဲ့ကမ္ဘာကိုလုံးဝမှိခိုရတယ်။ ကလေးလေးကိုဗျ။ အခုကျသူကကမ္ဘာကိုတစ်ခုခုလုပ်ပေးနိုင်လာတယ်။ လူကြီးဖြစ်ပြီလေ။ ဒီနေရာမှာ လူနဲ့ဆိုင်တဲ့ ငွေကလည်းပြောင်းပြန်ဖြစ်သွားတယ်။ အရင်ကသူနဲ့ဆိုင်တဲ့ငွေဆိုတာသူ့အတွက်ကုန်ကျ တာ။ အခုကျတော့သူနဲ့ဆိုင်တဲ့ငွေဆိုတာသူကရှာလို့ရတာ ပြောင်းပြန်ဖြစ်သွားတယ်။ ဒီနေရာမှာလူတွေဟာ သူတို့နဲ့ဆိုင်တဲ့တကယ့်ငွေကို တချို့ကအရွယ်ရောက်တာနဲ့တွေ့တယ်။တချို့ကျတော့သေသာ သေ သွားတယ်တွေ့မသွားဘူး။ ဒီဇတ်လမ်းထဲကကျုပ်ဇာတ်လိုက်လူကတော့ အရွယ်ရောက်ပြီးသိပ်မကြာ ခင်မှာပဲသူ့ငွေသူတွေ့သွားတယ်။

ဘယ်လူမဆိုသူနဲ့ပဲသီးသန့်ပတ်သက်တဲ့သူ့ငွေသူတွေ့တာနဲ့ သူ့ငွေက လူကိုစိန်ခေါ်တော့ တာပဲ။စိန်ခေါ်ပုံကလည်းဘယ်လူအတွက်မဆိုတစ်မျိုးတည်းပဲ။ငွေနဲ့လူလိုက်တမ်း ပြေးတမ်းလုပ်ရတာ။ လူအများကြီးနဲ့ငွေအများကြီးလိုက်တမ်းပြေးတမ်းလုပ်နေကြတဲ့အထဲမှာ စိန်ခေါ်ခံရပြီး ၀င်ဆော် ရတာ ဆိုတော့ လူတွေတော်တော်များများက သူတို့နဲ့သက်သက်ဆိုင်တဲ့ငွေကို သူတို့မမှတ်မိတော့ဘူး။ လူဟာအားနည်းချက်တစ်ခုလည်းရှိတယ် သူ့လူကို့လူသာကွဲတာ သူ့ငွေကို့ငွေကျသိပ်ကွဲ အောင် သိကြတာ မဟုတ်ဘူး။ ကိုယ့်ငွေ ကိုသူ့ငွေထင်ပြီးသူ့ ငွေကိုကိုယ့်ငွေ မှတ်ကုန်ကျတာနဲ့ပဲ ငွေကိုအမြဲ ရှုံးတာများတယ်။ကျုပ်ဇတ်လိုက် ‘လူ’ ကျတော့။

ကျုပ်ဇတ်လိုက် ‘လူ’ ဟာသူ့ငွေသူတွေ့သွားရော။ တွေ့သွားတာနဲ့ သူ့ငွေကလည်းသွက်တယ်။ ကျုပ်လူကိုစိန်ခေါ်ပြီးရှူးခနဲရှေ့ကပြေးချသွားတာ၊ ကျုပ်လူကိုပြိုင်ပွဲနဲ့ပတ်သက်တာဘာတစ်ခုမှမပြော သွားဘူး။ ကျုပ်လူခမျာ အစပိုင်းမှာဘာလုပ်ရမှန်းမသိဘဲယောင် နန ဖြစ်နေသေးတယ်။ ဒါပေမယ့်် ကျုပ်လူကတစ်ခုတော့လျှင်သဗျ။ သူ့ငွေသူနဲ့သက်သက်ပဲဆိုင်တဲ့ ငွေကိုတော့သေချာမှတ်ထားလိုက် တယ်။ဒီလိုနဲ့ကျုပ်လူဟာလူအများကြီးနဲ့ငွေအများကြီးပြိုင်နေတဲ့ပြိုင်လမ်းပေါ်တက်ရပ်လိုက်ပြီးသေချာစပြေးတယ်။

သူရှေ့ကိုမျှောကြည့်တယ၊်သူ့ငွေကိုတော့သူမတွေ့ရတော့ဘူး။ရှေ့ကပြေးသွားနှင့်ပြီ။ငွေတစ်ချို့နဲ့လူတစ်ချို့တော့တွေ့တယ်။သူစိတ်မ၀င်စားဘူး။ဖြည်းဖြည်းမှန်မှန်စပြေးတယ်။ပြေးရင်းပြေးရင်းနဲ့သိပ်မပြေးတတ်သေးတော့ကျုပ်လူခမျာချော်လဲပါလေရော။သူ့ငွေနဲ့သူပိုဝေးသွားတယ်။လူတစ်ချို့နဲ့ ငွေတစ်ချို့ကလည်းသူ့ကိုကျော်တက်သွားကြတယ်။သူနည်းနည်းစိတ်ညစ်သွားတယ်။ပြန်ထဖို့လုပ်တယ်။အဲ့ဒီ့အချိန်မှာတခြားလူတစ်ယောက်နဲ့ဆိုင်တဲ့ငွေနည်းနည်းကသူ့ကိုလာရပ်ကြည့်ပြီးထူပေးဖို့ လက်ကမ်းတယ်။ကျုပ်လူအဲ့ဒီ့ငွေကိုကြည့်တယ်။သူဘာလုပ်သလဲ။

ပထမတော့အဲ့ဒီ့ငွေထူတာနဲ့ထဖို့သူစဉ်းစားတယ်။ဒါပေမယ့်သူသတိရတယ်။အဲ့ဒီ့ငွေကသူ့ငွေမဟုတ်ဘူး။သွားပတ်သက်ရင်ပြဿနာတွေဖြစ်လာနိုင်တယ်။အဲဒီငွေကိုသူဂရုမစိုက်တော့ဘူး။သူ့ဟာသူရအောင်ပြန်ထပြီးရအောင်ဆက်ပြေးတယ်။

ကျုပ်လူဟာပြေးရင်းပြေးရင်းနဲ့နည်းနည်းပြေးတတ်လာတော့မြန်လာတယ်။လူတစ်ချို့နဲ့ငွေတစ်ချို့ကိုသူကျော်တက်လာနိုင်တယ်။သူကျော်တက်လာတဲ့လူတွေကသူ့ကိုမနာလိုသလိုကြည့်တယ်။သူကျော်တက်လာတဲ့ငွေတိုင်းကသူနဲ့ပတ်သက်ချင်သလိုကြည့်ကြတယ်။ဒါပေမယ့်သူဘာမှဂရုမစိုက် တော့ဘူး။ရှေ့ကိုလှမ်းကြည့်ရင်းသူနဲ့ဆိုင်တဲ့သူ့ငွေကိုပဲရှာရင်းဆက်ပြေးတယ်။

ဟိုးရှေ့အဝေးမှာသူ့ငွေပြေးနေတာကိုပျပျလေးမြင်နေရပြီ။ကျုပ်လူတော်တော်ဝမ်းသာသွား တယ်။အားစိုက်ပြီးအရှိတ်မြှင့်လိုက်တယ်။နည်းနည်းလောသွားလို့ကျုပ်လူလဲပြန်ရော။သူ့ငွေလည်းပြန်ပျောက်သွားတယ်။ဒါပေမယ့်ဒီတခါတော့ထူးတာကသူနဲ့မဆိုင်တဲ့ငွေတွေကသူ့ကိုဝိုင်းထူဖို့အုံလာကြတယ်။ဒါပေမယ့်ကျုပ်လူကအကူအညီမယူတော့ဘူး။တောက်တစ်ချက်ခေါက်ပြီးကုန်းရုန်းထလို့ဆက် ပြေးတယ်၊ငွေတွေအံ့သြပြီးကျန်ခဲ့ကျတယ်။တချို့လူတွေကအရူးလို့မကြားတကြားပြောကြတယ်။သူဘာမှဂရုမစိုက်တော့ဘူး။လဲတာကတစ်ခါပြန်ထဖူးတော့ဒီတစ်ခါပြန်ထပြေးတာသူများထက်ပိုသပ်ရပ်တယ်။ဒီလိုနဲ့ကျုပ်လူဟာဆက်ပြေးလာတယ်။

လမ်းမှာငွေတွေအစုလိုက်နားနေပြီးသူတို့ကိုလိုက်မမီတော့တဲ့လူတွေအကြောင်းဟားနေတာကိုကျုပ်လူတွေ့တယ်။သူကျော်ပြေးသွားတော့အဲ့ဒီငွေတွေအံ့အောကျန်ခဲ့ကြတယ်။လူတစ်ယောက်နှစ်ယောက်လမ်းမှာစိတ်ပျက်ပြီးမှိုင်နေတာလည်းကျုပ်လူတွေ့တယ်။ဒါပေမယ့်ကျုပ်လူမရပ်တော့ဘူးဆက်ပြေးတယ်။ရှေ့မှာကျုပ်လူသူ့ငွေသူလှမ်းတွေ့နေရပြီကိုး။သူ့ကိုချစ်လို့သူ့နောက်လိုက်လာတဲ့ငွေတစ်ချို့နဲ့အဲ့ဒီငွေတစ်ချို့နောက်ကိုဘာမှန်းမသိပြေးလိုက်နေတဲ့လူတစ်ချို့လည်းကျုပ်လူနောက်မှာပါလာတယ်။ဒါပေမယ့်ကျုပ်လူဟာရှေ့ကသူ့ငွေကိုပဲမှီအောင်လိုက်တော့တယ်။မီလုပြီလေ။

ဒီလိုနဲ့ဘဲကျုပ်လူဟာသူ့ငွေကိုမမီမကမ်းနေရာရောက်လာတယ်။ကျုပ်လူတစ်ချက်အားစိုက်လိုက်တော့သူ့ငွေနဲ့သူရင်ပေါင်တန်းလျှက်သားဖြစ်သွားတယ်။ကျုပ်လူဟာသူ့ငွေကိုပြေးရင်းလှမ်းကြည့်တယ်။သူ့ငွေကလည်းကျုပ်လူကိုပြန်လှည့်ကြည့်ပြီးမကျေမနပ်ဖြစ်သွားတယ်။ကျုပ်လူကသူ့ငွေလောက်အစွမ်းအစရှိနေပြီကိုး။ငွေဟာအတင်းပြေးတယ်။ကျုပ်လူဟာအခုအချိန်မှာသူ့ငွေသူဖမ်းဖို့မကြိုးစားတော့ဘူး။အနိုင်ယူဖို့ပဲလုပ်နေတယ်။

ရုပ်တစ်ရက်လမ်းခွဲတစ်ခုပေါ်လာပြီးကျုပ်လူရဲ့ငွေဟာပေါ်လာတဲ့လမ်းမြောင်ထဲပြေးဝင်သွား တယ်။ကျုပ်လူဟာဘာလုပ်ရမှန်းမသိဘဲလမ်းဆုံးမှာခဏရပ်သွားတယ်။ရှေ့ကလမ်းနှစ်ခုကိုသူကြည့် တယ်။သူဆက်ပြေးမယ့်တဲ့တဲ့လမ်းမှာဘာမှမရှိဘူး။ပြောင်ရှင်းနေတာပဲ။သူ့ငွေပြေးဝင်သွားတဲ့လမ်းမြောင်ထဲမှာလူသံငွေသံတွေအများကြီးကြားနေရတယ်။ကျုပ်လူနောက်ကပြေးလာကြတဲ့လူတွေငွေတွေကလည်းအဲ့ဒီလမ်းမြောင်ထဲဝင်ပြေးသွားကြတာများတယ်။ကျုပ်လူဟာရှေ့ကလမ်းနှစ်ခုကိုကြည့်တယ်။တစ်ခုကသူပြေးမယ့်လမ်း။ကန္တာရလိုပဲဘာမှမရှိဘူး။နောက်လမ်းမြောင်တစ်ခုကမှောင်ကုပ်ကုပ်တောအုပ်တစ်ခုထဲဝင်သွားတယ်။တစ်စုံတစ်ရာသူဆုံးဖြတ်လိုက်တယ်။ဖြောင့်တဲ့လမ်းကိုတစ်ယောက်တည်း ဆက်ပြေးသွားတယ်။

ကျုပ်လူဟာသူ့လမ်းမှာသူတစ်ယောက်တည်းပြေးနေတယ်။ရှေ့မှာရောနောက်မှာပါဘယ်သူဘယ်ငွေမှမရှိဘူး။ဒါပေမယ့်သူဂရုမစိုက်တော့ဘူး။သူ့ယုံကြည်မှုနဲ့သူပြေးနေတဲ့လမ်းဖြောင့်အတိုင်းပဲအရှိန်အဟုန်ပြင်းစွာဆက်ပြေးနေတယ်။တောအုပ်လမ်းမြောင်အကြောင်းသူမစဉ်းစားတော့ဘူး။

တောင်တစ်တောင် ကိုကျော်ပြီးတဲ့အချိန်မှာ သူ့ပန်းတိုင်ကိုအဝေးမှာတွေ့လာတယ်။ သူ့ ပန်းတိုင်ကိုသူလှမ်းမျှော်ရင်းကျုပ်လူဆက်ပြေးသွားတယ်။ရုတ်တရက်လမ်းတစ်ခုကကျုပ်လူပြေးနေတဲ့လမ်းနဲ့လာဆုံတယ်။လမ်းခွဲတုန်းကတွေဝေခဲ့ပေမယ့်လမ်းစုံမှာတော့သူရပ်မနေတော့ဘူး။ကျုပ်လူ ကျော်ပြီးဆက်ပြေးသွားတယ်။

လမ်းဆုံကိုကျော်ပြီးတာနဲ့ကျုပ်လူဟာသူ့နောက်ကနေ ခဏစောင့်ဖို့တောင်းပန်တဲ့အသံ တွေအများကြီးကြားရတယ်။သူလှည့်ကြည့်လိုက်တော့.....။

ငွေတွေ၊ မရေမတွက်နိုင်တဲ့ငွေတွေ။ အများကြီးမှတကယ့်အများကြီး။ ဖွေးဖွေးလှုပ်နေတာပဲ။ သူ့ဆီလာနေကြပြီ။ သူကျော်လာခဲ့တဲ့လမ်းဆုံမှာ သူ့ကိုလာဆုံဖို့စောင့်နေကြတာ။ သူခဏရပ်ကြည့် တယ်။အဲဒီထဲမှာမထင်မရှားသိမ်ငယ်နေတဲ့ သူ့ငွေကိုတွေ့တယ်။သူ့ငွေဟာကျုပ်လူဆီ အတင်းပြေး လာနေတယ်။တောင်းပန်တဲ့မျက်နှာထားနဲ့။ကျုပ်လူပြုံးပြပြီး လက်ပြလိုက်တယ်။ငွေတွေကိုသူမစောင့် တော့ဘူး။သူ့ပန်းတိုင်ကိုသူပြေးဝင်ပြီး လမ်းဖြောင့်ကလာတဲ့သူပြောက်သွားတယ်။

ဟုတ်တယ်ကျုပ်လူသေသွားပြီ။

မရေမတွက်နိုင်တဲ့တန်ဖိုးရှိတဲ့ငွေတွေအများကြီးနဲ့လူတစ်ချို့ကပါကျုပ်လူကိုလိုက်ရှာနေကြ တယ်။တွေ့ရင်ကျွန်ခံဖို့တဲ့။

ကျုပ်လူသူ့တန်ဖိုးသူပြသွားပြီလေ။

အဖြစ်အပျက်ကသိပ်မြန်တယ်။ တကယ့်ကိုခဏလေး။ဘယ်လောက်တောင်မြန်လဲဆိုနှစ်ပေါင်း ခုနှစ်ဆယ်လောက်လေးပဲကြာတာ။တကယ့်မျက်စိတစ်မှိတ်အတွင်းမှာ ရေပွက်ပမာလေး ဖြစ်သွားတာ။

ဘယ်တုန်းကလဲဆိုတော့ ဟိုးတုန်းကလည်းဟုတ်တယ်။ အခုလည်းဟုတ်တယ်။ နောက်လည်း ဟုတ်နေဦးမှာ။

ဇတ်လိုက်ကျုပ်လူကဘယ်သူလဲဆိုတော့ ခင်များဆိုလည်းဟုတ်တယ်။ ကျုပ်လည်းဟုတ် တယ်။အခြားသူလည်းဟုတ်တယ်။

တစ်ခုတော့ရှိတယ်။ကျုပ်ဇတ်လိုက်လူကအနိုင်နဲ့ပန်းဝင်သွားပြီးပြီ။ ကျုပ်တို့ကဘယ်နေရာမှာ လဲ။ပထမဆုံးစပြေးတာလား။ပထမဆုံးလဲတဲ့နေရာလား။ဒုတိယမြောက်တောက်ခေါက်နေတာလား။ လမ်းမြောင်လမ်းခွဲထိပ်မှာရပ်နေတာလား။လမ်းဖြောင့်မှာပဲတစ်ယောက်တည်းပြေးနေလား။လမ်းမြောင်ထဲမှာတစ်ရုံးရုံးလား။

ဒါမှမဟုတ်

ကိုယ့်တန်ဖိုးကိုမသိသေးတဲ့ကလေးလေးတွေပဲလား။

ပြေးရင်းစဉ်းစားကြတာပေါ့.................